آذربایجانیمیزین کولتورل، یازار و شاعر کاراکترلرینین تانیتیمی

سرکار خانیم #ریضوان_حاجی_قاسیملو«#جانای» کولتورل رولو اولاراق ائل تانیتیمی سرگی‌لرینین ساحه‌سینده چالیشیغی آلیقیشا آلینیب

تورکجه سرویسی : آذربایجانیمیزین کولتورل، یازار و شاعر کاراکترلرینین تانیتیمی

 

 

 

شعرلرین‌ده ساری بولبول‌دن ماهنی اوجالیر، اییده بویالی مصراع‌لار اوخوجویا سئوگی دویغوسونو  یاشادیر یایلیق‌لارین اوچوشو اینسانی یاماج‌لاردا ماوی باخیش‌لارا توش گتیریر، گاهدان دا سارسیلمیش بنؤوشه‌‌نین نیگرانی اولاراق باشی دیزینه چؤکور.

 

دئمه‌لییم سرکار خانیم #ریضوان_حاجی_قاسیملو«#جانای» کولتورل رولو اولاراق ائل تانیتیمی سرگی‌لرینین ساحه‌سینده چالیشیغی آلیقیشا آلینیب، شهریار پژوه، خاقانی پژوه، نظامی پژوه و ادبی انجومن‌لرین پارلاق اولدوزو اولاراق  ۲۲ ایل‌دن آرتیق ادبیات‌دا یوکسک لیسانس مدرکی ایله میانا شهرین‌ده ادبیات موعللیمی دیر، آرتیریم کی ۱۳۵۰ینجی ایل‌ده خوی شهرین‌ده دونیایا گؤز آچیب.

_ _ _ _ _

آما بنؤوشه،

بوینو دیزینه چؤکموش گؤزل

بنؤوشه‌نین احوالین ائشیدک جانای خانیمین دیلین‌دن.

_ _ _ _ _ _ _ _

#بنؤوشه

سارسیلما هله بلکه یاغیش یاغدی بنؤوشه

قورخما قاداسی  بولبولوموز ساغدی بنؤوشه

 

دولدور قدحی لاله بولاق‌دان سوزولرکن

گَل گَل گؤزلیم سئوگی‌یه خوش چاغدی بنؤوشه

 

من‌دن آرالی یالـلی گئدیر اییده باغین‌دا

حسرت کؤزو سینم‌ده هله داغ‌دی بنؤوشه

 

باخ بیر قورویور اورمو گؤلو گؤز ببه‌یین‌ده

بیر سؤیله گؤروم هانسی باغا یاغدی ، بنؤوشه

 

سن یات یوخون آل داغ بو چنی زیروده ساخلار

قئیدین‌ده قالان داغ‌لی اورک باغ‌ دی بنؤوشه

 

چوخداندی کؤنول باغچامیزا قم یاغیر آنجاق

عشقین دوراغی ساپ ساری یارپاق‌دی بنؤوشه

 

سانما جانای‌ین حسرتی سن‌دن آز اولار ، یوخ

اییده گولو گئیمیش اودا بیر تاغ‌دی بنؤوشه

 

” جانای ”

 

@yenisaray _ کولتور
#türkü_bölümünün_redaktoru :محمدحسن‌نژاد

 

 

اگر این مطلب را مفید ارزیابی کردید لطفاً به اشتراک بگذارید :