آذربایجان شاعرلری‌، کیتاب تانیتیمی

شعر توپلوسو: قیرمیزی کپنک‌لر

تورکجه سرویسی: آذربایجان شاعرلری‌، کیتاب تانیتیمی

 

 

 

#شعر_توپلوسو

#قیرمیزی_کپنک‌لر

رضوان‌حاجی‌قاسملو ” جانای “

شعر توپلوسو بیر سوُاللی شعرله باشلانیر

ایچینده‌ کی داغیلمیش یانان گمی‌‌نی سوروشور بلکه ده بیر آرایان دالیجا اولدوغوندا ایستییر اوخوجو ماراقلانیب شاعری تانییا، اؤزلجه آذربایجانین ساغالماز یاراسین‌دان دانیشیر اوزونو اورمو گؤلونه ساری توتوب آجی نوستالژی یاشاماقدادیر کیتاب‌دا یاشایان سئوگی قرارسیز اولدوغونا چیلپاق‌جا دئییر ” سن اؤلمه من اؤلوم سنین یئرینه “.

جانای‌ین شعرلرین‌ده گؤزه چارپان کلمه‌لردن اییده‌ ایله ساری بویالی تورمورجوق دور کی اؤزونه گؤره اؤزل سئوگی‌ سیمگه‌سی‌ دیلر، آرتیرمالی‌یام سؤیوددن ده چوخ سؤزلر دانیشیر اؤزللیک‌له سالخیم سؤیوددن نییه کی پریشان احوالاتی یاشاتماغا سیمگه اولاراق یئرلی سئچیم‌دیر. کیتابین عنوانین‌دا کپنک کلمه‌سی‌نین سئچیمی هابئله یاشانمیش دویغولاردان بللی دیر کی شاعر باغیمسیزلیق، حاصارسیزلیق آرزوسونو یاشاییر و سرحدلرین پوزولماسینی ایسته‌ییر؛ شعرلر کلاسیک اولدوغوندا گؤروروک بو جومله‌‌یه ” بیزیم سوی‌دا هامی اینسان‌دی بیر بویدا ” تای دوشونجه‌لرله مدنییتی ده یاشادیر.

 

ظاهیره گلینجه ألوان ألوان گرایلی‌لار و چوخ چئشیدلی قوشمالار هابئله غزل‌لر وار، أفاعیل‌غزل‌لرده اوقدر تورکو کلمه‌لر دونیاسی گئنیش کی هئچ أفاعیل اولدوغو بللی دگیل.

جانای خانیمین شعرلری‌نین باره‌سینده سون سؤزوم بودور کی اینجه‌لیک‌لر هابئله سئوگی دویغوسونو یاشاماغا “قیرمیزی کپنک‌لر” اؤزل بیر بوجاق دیر.

 

«کیتابی ألده إتمک اوچون آت‌دا یازیلمیش آدرسه موراجیعت إدین»

تبریزده طالقانی‌ خیاوانی انتشارات أختر

میانادا امام خیاوانی موسیسه قوامین‌ین یاپیشیغی کیتاب‌ساتیشی ‘فاتحی’

 

تورکجه سردبیری: محمدحسن‌نژاد

 

 

اگر این مطلب را مفید ارزیابی کردید لطفاً به اشتراک بگذارید :